Мајката на напаѓачот кој уби четворица ученици во едно американско училиште е осудена во она што може да биде историска пресвртница. Џенифер Крамбли (45) е прогласена за виновна по четири точки од обвинението за убиство од небрежност и се соочува со 15 години затвор за секое обвинение.
Нејзиниот син Итан имал 15 години кога отворил оган во средното училиште Оксфорд во Мичиген во ноември 2021 година, убивајќи ја 14-годишната Хана Ст. Џулијана, 16-годишната Тејт Мајр, 17-годишната Медисин Болдвин и 17-годишниот Џастин Шилинг и ранил уште седум други.
Обвинителите го покренаа случајот против мајката бидејќи веруваа дека таа има должност да го спречи нејзиниот син да им наштети на другите. Тие истакнаа дека била крајно невнимателна и дека можела да го предвиди насилството. Крамбли е обвинета и дека не чувала оружје и муниција на безбедно место во нејзиниот дом и дека не пружала соодветна помош за психичките проблеми на нејзиниот син, пишува Скај Њуз.
Џејмс Крамбли (47) му го купила на нејзиниот син пиштолот што бил употребен во пукањето, иако тој бил премногу млад за да поседува сопствен пиштол според државниот закон. Оружјето било купено четири дена претходно, очигледно како божиќен подарок и му било „достапно“ на тинејџерот.
Оружјето го донел во училиште на денот на пукањето, а никој не му го проверил ранецот. Обвинителката Карен Мекдоналд за време на судењето рече дека Итан објавил слики од пиштолот употребен во пукањето на социјалните мрежи, пишувајќи: „Само што ја добив мојата нова убавица денес“ и додал емоџи со срце.
Мајката утредента објави дека го „тестираат неговиот нов божиќен подарок“. Родителите ги игнорирале предупредувачките знаци пред нападот на нивниот син, како што се цртежите пронајдени во неговата училишна маса. На денот на пукањето, наставникот пронашол белешка на бирото на Итан со цртеж од пиштол вперен во зборовите „мислите не престануваат, помогни ми“.
Тие ја фотографирале белешката, која вклучувала цртеж на лице кое било застрелано двапати со зборовите „крв насекаде“, „животот ми е бескорисен“ и „светот е мртов“. Таткото и мајката биле повикани на училиште во 10 часот, а кога си заминале, Итан се вратил на час, носејќи оружје во ранецот.
Пукањето се случило околу 13 часот. Неговите родители беа обвинети неколку дена подоцна, откако полицијата ги пронашла „како се кријат во зграда во Детроит“. Минатиот декември, Итан Крамбли беше осуден на доживотен затвор без помилување, откако се изјасни за виновен за убиство, тероризам и други обвиненија.
На изрекувањето на пресудата, тој му кажа на судијата дека е „многу лоша личност“ која не може да се спречи. На Џејмс Крамбли во март треба да му се суди под истите обвиненија како и неговата сопруга.