Маск: Твитер бесплатен за обичните корисници, но ќе плаќаат комерцијалните!
Илон Маск – директорот на „SpaceX“ и „Tesla“ кој неодамна го купи и „Twitter“, изјави дека одредени корисници во иднина можеби ќе плаќаат за користење на социјалната мрежа.
„Twitter секогаш ќе биде бесплатен за обичните корисници, но ќе ги чини комерцијалните/владини корисници“ – напиша Маск.
„Reuters“ минатата недела пренесе дека Маск им рекол на банките дека ќе пронајде начин за монетизација на твитовите.
Маск е најбогатиот човек во светот, а го купи Твитер на 26. април годинава.