Сопственикот на Твитер, милијардерот Илон Маск објави анкета во која прашува дали треба да се повлече од функцијата шеф на компанијата, ветувајќи дека ќе се придржува до резултатите од анкетата. Околу еден милион луѓе гласаа за неколку минути по објавувањето на анкетата.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
Процентуално, најновите податоци покажуваат дека има повеќе луѓе кои се за тоа Маск да не биде на чело на Твитер – 57,3 проценти наспроти 42,7 проценти.
Маск ја презеде улогата на извршен директор на компанијата кон крајот на октомври кога отпушти голем број високи извршни директори и го распушти Управниот одбор. Исто така, беше најавено дека сметките кои нудат „бесплатна промоција на одредени платформи за социјални медиуми“ ќе бидат отстранети.
Како што рече, политиката ќе биде приспособена така што ќе влијае само на сметки чија „примарна цел е промоција на конкурентите, што во суштина потпаѓа под правилото за забрана на спам“.
Кога Маск го презеде Твитер, беше вратен профилот на поранешниот американски претседател Доналд Трамп, кој моментално е многу активен на Truth Social. Таа платформа е на списокот наведен во забраната за поврзување на Твитер.
Откако Маск го презеде Твитер, голем број големи огласувачи ја напуштија платформата поради загриженост за политиките на мрежата.