Претседателот на Франција, Емануел Макрон изјави дека имал серија телефонски разговори со Доналд Трамп, после тензичната средба со Володомир Зеленски во Белата куќа.
Макрон рече дека разговарал и со Зеленски, Трамп и со британскиот премиер Кир Стармер, генералниот секретар на НАТО Марк Руте, и претседателот на Европската комисија, Антонио Коста.
Макрон рече дека е потребно да се смират тензиите и да се сочуваат партнерствата.
„Без оглед на напнатоста и емоциите, секој треба да остане смирен, да покаже почит и благодарност, за да можеме да продолжиме напред. Многу е важно она што е во прашање сега“, изјави Макрон.
Макрон рече дека Зеленски му рекол дека е подготвен на „обнова на дијалогот“ со Вашингтон, како и потенцијален договор што ќе овозможи на САД пристап до приходите од природните ресурси во Украина.
„Судбината на САД е да бидат со Украинците, и немам сомневање во тоа“, рече Макрон.