Македонскиот фудбалски репрезентативец Аријан Адеми се сели во Кина?

Аријан Адеми (31) ќе го напушти Динамо Загреб и ќе биде нов фудбалер на кинескиот прволигаш Пекинг Гуан, тврди кинескиот новинар Лиу Ксијангју, а пренесуваат хрватските медиуми.

Изворот вели дека Гуан ги решил последните финансиски проблеми и дека раководството на клубот изминатите неколку дена работеше прекувремено. Проблемите се поврзани со неисплатените плати поради што не можат да донесат играчи.

– Во текот на изминатата година, Гуан ги решаваше старите проблеми, вклучително и заостанатите плати и спорови како што се отказите за странски играчи – пишува кинескиот новинар и истакнува дека инвеститорите од Гуан сакаат да обезбедат непречено функционирање на клубот.

Според Ксијангју, на Гуан му беше забрането да доведува играчи. Сега кога проблемот е решен, забраната веќе ја нема.

– Покрај Де Соуса, чие доаѓање е потврдено, пристигнува и 31-годишниот капитен на Динамо Загреб. Тој ќе наскоро ќе стане нов играч од средниот ред на Гуан – тврди Ксијангју.

Се шпекулира дека Гуан за Адеми ќе му плати околу 1 милион евра на Динамо.

Директорот на Гуан, Ли Минг на почетокот на март отпатувал во Европа за, меѓудругото, да го договори доаѓањето на Адеми.

Кинеската Суперлига дозволува во една сезона да бидат доведени седум странски играчи.