Македонија е 18. ракометна сила во Европа
Европската ракометна федерација (ЕХФ) ја објави најновата ранг листа на националните тимови за 2023 година.
Ранкингот се формира според бодовите освоени на последите три големи натпреварувања и квалификациите, па така Македонија со вкупно 94 поени го зазема 18 место.
Ние во изминативе три години освојуваме во просек по 30 поени, односно од 2021 (СП во Египет) имаме 32, од 2022 исто толку (ЕП-Унгарија и Словачка), додека во 2023 (СП-Полска и Шведска) имаме 30 бодови.
Кога е во прашање врвот таму е Данска со 448 поени по што следуваат Шведска, Шпанија, Франција, Норвешка, Германија, Унгарија, Хрватска, Исланд и Словенија која ја затвора најдобрата десетка на стариот континент.