21 годишниот Н.Ј е уапсен откако и се заканувал и се обидел да ја нападне новинарската екипа на ТВ Прва кај Ада Циганлија во Белград.
Тој обвинет дека при снимањето на прилог од страна на новинарската екипа пришол и сакал да го прободе снимателот со вилушка за скара. По инцидентот на младиот напаѓач му е одреден притвор до 48 часа и ќе биде изведен во Второто основно јавно обвинителство во Белград. Против него е поднесена кривична пријава засторено кривично дело насилничко однесување.
Денеска околу пладне пак, на улицата Првомајска во Земун, маж ја нападнал новинарската екипа на РТС, навредувајќи и заканувајќи им се. Полициските службеници на ПС Земун интензивно работат на откривање и пронаоѓање на сторителот на овој напад.