Еден маж загина, а една жена е тешко повредена во експлозија што рано утринава се случила во куќа на улицата Шевина во Земун.
Според првите неофицијални информации, експлозија на гас се случила во куќата каде живееле таткото и ќерката.
Како што изјавија соседите за РТС, пред два дена на улицата се изведувале градежни работи и имало оштетувања на плинските инсталации. Граѓаните се жалат дека од синоќа мириса на гас во населбата. Куќата во која се случила експлозијата целосно се урнала. Противпожарните екипи, полицијата и екипите на брзата помош се уште се на терен.
Речиси целата улица е блокирана, а компанијата „Србијагас“ превентивно го исклучи снабдувањето со гас во тој дел од населбата.
Екипа од српскиот Институт за јавно здравје излегла на терен и мерела дали има штетни материи во воздухот.