Левичарката Коноли води на претседателските избори во Ирска

Независната левичарска пратеничка Кетрин Коноли, според првите неофицијални резултати,  води на претседателските избори во Ирска, објави денеска британскиот весник „Гардијан“.

Неофицијалните, но вообичаено сигурни набљудувачи на центрите за пребројување, наведуваат дека Коноли има голема предност.

И предизборните анкети покажуваа убедливо водство Коноли. Резултатите предвидуваа дека Коноли ќе добие 40 проценти од гласовите, додека нејзината противничка, поранешната министерка Хедер Хамфрис од владејачката централно-десничарска партија Фин Гаел, ќе добие 25 проценти. По прераспределбата на неопределените гласачи и оние кои би ги откажале своите гласачки ливчиња, анкетата покажа дека Коноли има 55 проценти поддршка, а Хамфрис 35 проценти.

„Гардијан“ објавува дека Коноли ја добил поддршката на многу млади Ирци и е поддржан од коалиција на левичарски опозициски партии.

Ирското претседателство е во голема мера церемонијално, но победата на Коноли би значел пораз за централно-десничарската влада.

Гневот поради кризата со домувањето и трошоците за живот, грешките во кампањата на Фин Гаел, како и постигнатото единство меѓу левичарските партии и вештото користење на социјалните медиуми, доведоа до тоа Коноли да стане симбол на промените, пишува „Гардијан“.