Специјалниот пратеник на ЕУ за дијалог меѓу Белград и Приштина, Мирослав Лајчак, најави дека ги продолжува разговорите со вицепремиерот на Косово, Бесник Бислими.
Целта на продолжувањето на разговорите, рече тој, е „да се гарантира дека се што е договорено ќе се спроведе“.
Лајчак на Твитер објави фотографија со Бислими и изрази задоволство што наскоро ќе ја посети Приштина.
„Продолжување на дијалогот со Бесник Бислими. Со нетрпение ја очекувам мојата претстојна посета на Косово за да разговарам за модалитетите на имплементацијата“, напиша Лајчак.
Тој укажа на важноста на договорот за анекс за имплементација за да се гарантира дека се што е договорено ќе се спроведе.