Купер во љубов со соработничка на Хилари Клинтон

Холивудскиот заводник – Бредли Купер има нова девојка. Американските медиуми објавија дека се работи за една од највлијателните жени во политичкиот свет во моментов во САД.

Новата девојка на Купер е Хума Абедин – блиска соработничка на Хилари Клинтон и поранешна сопруга на политичарот Ентони Вајнер.

Според информациите, Бредли и Хума се запознале преку уредничката на списанието „Вог“ – Ана Винтур, која е нивна заедничка пријателка.

„Бредли неколку месеци е во врска со Хума, но и двајцата тоа го премолчуваат. Тој раскина со својата колешка Дијана Агрон и веднаш почна да излегува со Хума“, вели неименуван извор.