Одбраната на Европа без вклучување на Украина е невозможна, бидејќи земјата ја разви најсилната и најтврдокорната армија во регионот досега, изјави украинскиот министер за надворешни работи Дмитро Кулеба пред состанокот на Советот Украина-НАТО во Брисел, пренесе Укринформ.
„Победата на Украина не е само во интерес на Украина, туку и во интерес на целата евроатланска заедница. Нема да биде претерување да се каже дека одбраната на Европа без Украина е залудна задача, бидејќи сега ја имаме најсилната и најтврдокорната војска во Европа“, рече Кулеба.
Тој ја истакна и зголемената интероперабилност на вооружените сили на Украина и НАТО.
„Ние де факто стануваме армија на НАТО во однос на нашите технички способности и принципите за управување со армијата“, додаде Кулеба.
Шефот на украинската дипломатија, исто така, го пофали фактот дека денеска во Брисел министрите за надворешни работи на Украина и земјите-членки на НАТО за првпат ќе се сретнат „рамноправно“ во рамките на Советот Украина-НАТО.