Кралот Чарлс го отвора Балморал за јавноста: За 175 евра ќе добиете и чај

Кралот Чарлс III одлучил за прв пат во историјата портите на замокот Балморал да бидат отворени за јавноста, но цената на билетот би можела да спречи многу љубители на историјата, како и обожаватели на кралското семејство, да патуваат таму.

Досега, обиколките на замокот беа ограничени на замокот и салата за бал, каде по смртта на кралицата Елизабета Втора, нејзиниот ковчег беше поставен во септември 2022 година, а за тоа беше неопходно да се издвојат 20 евра, што беше донекаде прифатлива цена.

Сега за околу 116 евра во мали групи со водич ќе можете да ја обиколите внатрешноста на замокот, а доколку сакате да уживате во пиењето на традиционалниот попладневен чај, тоа искуство ќе ве чини околу 175 евра.

Ќе се продаваат само 40 билети дневно, а гостите ќе можат да ги обиколат собите што ги користат кралот и кралицата, две трпезарии, гостинската соба, лобито и Црвениот коридор, каде што кралот Чарлс се сретна со премиерот Риши Сунак претходно оваа година.

Одлуката да се отворат вратите на замокот е желбата на кралот да ги направи официјалните резиденции достапни за јавноста, а летните тури се всушност пилот проект за да се види како замокот се справува со приливот на посетители.

Замокот ќе биде отворен за посетители од 1 јули до 4 август, кога кралот и кралицата ќе пристигнат таму на нивниот традиционален летен одмор.