Кошаркар на Филаделфија заврши во болница откако бил удрен со автомобил на пешачки премин

НБА тимот Филаделфија потврди дека еден од нејзините кошаркари доживеал голем инцидент и завршил во болница.

Се работи за Кевин Убре, кој бил удрен од автомобил на пешачки премин и со непотврден вид повреди е хоспитализиран во најблиската болница.

Убре бил удрен од автомобил во близина на својот дом, а виновникот за овој инцидент не застанал и побегнал, па полицијата сега е во потрага по сторителот кој ќе треба да одговара по повеќе обвиненија.

Клубот објави дека Убре е пуштен на домашно лекување и сигурно ќе пропушти голем број натпревари, но не и целата сезона.