Само неколку моменти по завршувањето на претседателската дебата во вторникот меѓу републиканецот Доналд Трамп и Камала Харис, американската пејачка Тејлор Свифт го поддржа кандидатот на демократите.
Во објава на Инстаграм, поп-ѕвездата рече дека го направила своето „истражување“.
Актерите Мет Дејмон и Лин-Мануел Миранда најавија дека на крајот на месецот ќе се појават на собирање средства за поддршка на Харис и нејзиниот потпретседателски колега Тим Валц.
Во средината на неделата, Трамп се заблагодари на Британи Махомес, сопругата на ѕвездата на американскиот фудбал Патрик Махомес, што „застана за него“, објави Фокс њуз.
Британи Махомес им возврати на фановите на нејзиниот сопруг кои ја критикуваа дека „лајкувала“ неколку објави за поддршка на Трамп на социјалните мрежи.
„Наш фаворит, ако може така да се нарече, беше актуелниот претседател, господинот Бајден. Но, тој се повлече од трката и препорача сите негови поддржувачи да ја поддржат г-ѓа Харис. Па, ќе го направиме тоа – ќе ја поддржиме. Таа се смее толку експресивно и заразно што значи дека и оди добро“, рече Владимир Путин, претседателот на Русија, на почетокот на септември.
Ако се знае каков став има Путин кон Бајден, оваа поддршка не може да се толкува како вистински став на Кремљ, туку како ироничен израз, дипломатска игра. Исто така, ова е секако еден од начините Путин да помогне и да го подигне рејтингот на својот вистински и искрен Американец, Доналд Трамп.
Пред американскиот претседател Џо Бајден да се откаже од претседателската трка, тој беше поддржан од многу од најголемите холивудски ѕвезди, кои потоа и дадоа поддршка на Харис.
Актерката Оливија Родриго ја поддржа Камала Харис споделувајќи видеа на кои се гледа како Харис вети дека „ќе ги запре екстремните забрани за абортуси на Трамп“.
Големиот демократски донатор Џорџ Клуни, кој во есеј објавен во Њујорк Тајмс го повика Бајден да се откаже од кандидатурата, ја поддржа и Камала Харис, а големата Барбра Стрејсенд ја поддржа потпретседателката на САД поради нејзиното ветување дека ќе се бори за репродуктивните права.
Музичарот Џон Леџенд, кој настапи на овогодинешната Демократска национална конвенција, објави дека е „повеќе од подготвен“ за претседателскиот мандат на Камала Харис.
Режисерот Спајк Ли, сценаристот Арон Соркин, режисерот Кен Барнс и актерот од „Војна на ѕвездите“ Марк Хамил исто така го поддржаа Харис, како и водителката и актерка Рози О’Донел и актерката Џејми Ли Кертис.
Роберт де Ниро, кој го позајми гласот за реклама за кампањата на Бајден, му оддаде почит на претседателот за неговиот „несебичен патриотизам“ во изјава во која не се споменува Харис, но Де Ниро исто така рече дека „нема ништо поважно од нашата земја да го победи Доналд Трамп на изборите“.
Поп-пејачката Кеша рече дека планира да гласа за Харис во ноември. Мегапопуларната Бијонсе никого јавно не поддржа, но му даде дозвола на тимот на Камала Харис да ја користи нејзината песна „Freedom“ за потребите на кампањата, што е ретко за оваа суперѕвезда, напиша Си-Ен-Ен.
Поранешниот американски претседател Барак Обама и неговата сопруга Мишел, како и поранешниот претседател Бил Клинтон и поранешната државна секретарка Хилари Клинтон, исто така, ја поддржаа Харис, додека поранешниот претседател Џими Картер (99) наводно му рекол на својот син дека сака да го види својот 100-ти роденден само за да може да гласа за Камала Харис.
Ѕвездата на „Сексот и градот“ и поранешна кандидатка за гувернер на Њујорк, Синтија Никсон, како и милијардерот Марк Кјубан, кој го опиша демократскиот кандидат за потпретседател Тим Валц како човек кој „може да седне на маса со тебе“.
Актерот Тони Голдвин, републиканската политичка коментаторка Ана Наваро, комичарката Минди Калинг и актерката Кери Вашингтон, исто така, ги поддржаа Харис и Валц.
На крајот на август, Трамп доби поддршка од европскиот колега Виктор Орбан.
„Европа се откажа од одбрана на сопствените интереси. Сè што прави денес Европа е безусловно да ја следи продемократската надворешна политика на САД, дури и по цена на самоуништување“, рече Орбан, додавајќи: „Доаѓа промена која не е видена 500 години. Она со што се соочуваме е всушност промена на светскиот поредок“.
Поранешниот професионален борач Хулк Хоган драматично ја скина својата кошула на републиканската национална конвенција минатиот месец, откривајќи дека под неа ја носел предизборната кошула на Трамп и неговиот потпретседател Џеј Ди Венс.
Хоган го нарече Трамп „личен херој“ и „најдобар претседател на САД“.
Музичарот Кид Рок исто така јасно го поддржува Трамп, а републиканската конвенција ја смени неговата песна „American Bad Ass“ за да вклучи референци за Трамп..
Бизнисменот и основач на UFC, Дејна Вајт, го нарече Трамп „најтешкиот, најотпорниот човек“.
Раперката и реалити ТВ ѕвезда Амбер Роуз одржа говор на конвенцијата на која го поддржа Трамп.
Поранешниот претседател го поддржаа и познатите милијардери како Илон Маск и Стив Вајн. Актерот Џон Војт во неколку наврати го бранеше Трамп.
Песната на раперот 50 Сент, „Многу мажи“ стана вирална на интернет по минатомесечниот обид за атентат врз Трамп, а раперот одговори со ставање на лицето на Трамп на неговиот албум „Get Rich or Die Tryin“.
Иако е тешко да се нарече поддршка, 50 Cent го поддржа претседателот од 2020 година, но само накратко, подоцна се повлече.