Од денеска во употреба кај нас се пушта европскиот број за итни случаи 112.
Со вртење на бројот 112, во најкраток можен рок ќе се добијат услугите на полицијата, итната медицинска помош или противпожарната бригада, од каде било во државата.
Итниот број 112 е предвиден како додаток на постоечките броеви за итни случаи и како едношалтерски сервис за сите потреби на граѓаните .
Воспоставувањето на целиот систем на бројот 112 за итни случаи беше поддржано од Европската Унија со 2,3 милиони евра, вклучувајќи хардвер, софтвер, како и стручна помош.
Директен корисник е Центарот за управување со кризи.
На настанот предвидено е да се обратат премиерот Димитар Ковачевски, евроамбасадорот Дејвид Гир, директорот на Центарот за управување со кризи (ЦУК) Стојанче Ангелов, а преку видео порака и потпретседателот на бордот на „EENA“ – Младен Вратоњиќ.