![](https://triling.mk/wp-content/uploads/2022/11/806d0000-c0a8-0242-1bbc-08dabc250365_cx0_cy10_cw0_w1023_r1_s-750x430.webp)
Кина денеска лансира во вселената уште едно вселенско летало со залихи за својата нова вселенска станица.
Ракетата „Долг марш 7“ со товарното летало Тианжоу 5 беше лансирана од Венчанг на јужниот кинески остров Хаинан и успешно пристигна на неодамна довршената вселенска станица Тиангонг два часа подоцна, објави кинеската вселенска програма.
Овој товарен лет е дел од подготовките за историскиот чекор во кинеската вселенска програма: прва промена на екипаж во вселената.
Се очекува тројцата астронаути, кои во Кина се нарекуваат тајконаути, да дојдат на неодамна довршената вселенска станица до крајот на месецов, каде што ќе им се придружат на своите колеги Ченг Донгу, Лиу Јанг и Цаи Шужеу.
Сегашната посада би требало да се врати на Земјата во декември. Тианжоу 5 е десетта мисија за изградба и снабдување на вселенската станица.
Вселенската станица Тиангонг е дел од амбициозниот проект на Кина да стане вселенска сила и да фати чекор со големите вселенски нации како САД и Русија.