![](https://triling.mk/wp-content/uploads/2024/02/eyrwtgfv-750x430.jpg)
Поранешната специјална јавна обвинителка Катица Јанева од неодамна секој ден излегува од затворот „Идризово“ и оди на работа, а потоа се враќа назад зад решетки, пишува „Фокус.
Информацијата ја потврдил Јовица Станковиќ, директор на Управата за извршување на санкциите.
Тој појаснил дека Јанева се уште не ја издржала затворската казна, туку оди на работа.
Поранешната обвинителка работи во адвокатската канцеларија на својот син, Лазар Јанев. Оваа информација ја откри самата Јанева, споделувајќи ја на социјалната мрежа Фејсбук.
Оваа привилегија Јанева ја добива бидејќи одлежа поголем дел од казната, речиси пет години од досудените седум.
Поточно таа беше уапсена како осомничена во „Рекет“ на 21 август 2019 година, по што беше во притвор, а по досудената затворската казна од 7 години беше преместена во „Идризово“.