Предлог законските измени што ги усвои Владата сево насока на обезбедување побрза и поевтина реализација на делниците од коридорите 8 и 10 Д. Но, треба да се знае дека измените на петте закони не се однесуваат само на коридорите, туку и за сите следни проекти во патната и железничка инфраструктура, гасоводи и други проекти кои се од стратешки национален интерес, рече денеска на прес-конференција портпаролот на СДСМ, Дарко Каевски.
„Коридорот 8 ЕУ веќе го карактеризира какок европски коридор со геостратешко значење и оттаму, измените на законите ќе се носат со европско знаменце. Со носењето на законските измени нема да има заобиколување на постапките, нема кратење на фазите на градба. Напротив, ќе има забрзани процедури и намалување на роковите, со цел да обезбедиме ефикасност и ефективност при градбата, за овие проекти се завршат и побрзо и поевтино. Со носењето на законските измени државата ќе заштеди 150 милиони евра и две години помалку за градба“ велои Каевски.
Тој посочува дека „не смее и нема да дозволиме да ни се повтори случајот со автопатот Кичево – Охрид проект што заради неправилности на почетокот, сега се реализира предолго и прескапо“.