Иран погуби двајца мажи осудени за членство во забранета опозициска група и спроведување деструктивни акции насочени кон соборување на Исламската република, соопшти судството.
Егзекуциите во саботата беа најнови во серијата насочени кон членови на забранетата Народни муџахедини на Иран (МЕК), откако четворица други осудени членови на групата беа погубени претходно во текот на неделата.
„Аболхасан Монтазер и Вахид Банијамеријан… беа обесени по судењето, а нивните казни беа потврдени од Врховниот суд“, соопшти веб-страницата на судството во саботата, цитирана од АФП.
Мажите беа прогласени за виновни за обид за „бунт преку вмешаност во повеќе терористички акти“, како и за членство во групата МЕК и извршување акти на саботажа насочени кон соборување на Исламската република.
Не беше веднаш јасно кога мажите беа уапсени.
МЕК, која првично ја поддржуваше Исламската револуција во 1979 година пред да се скара со раководството во 1980-те, оттогаш е во егзил и е прогласена за терористичка организација од Техеран.
Иран е втор џелат во светот по Кина, според групите за човекови права.