Израелската армија денеска соопшти дека од 7 октомври 2023 година, датумот на почетокот на војната со палестинското исламистичко движење Хамас во Појасот Газа, загинале 600 нејзини припадници.
„Надав Коен, 20 години, од Хаифа, беше убиен во борби во јужниот дел на Појасот Газа“, изјави неименуван портпарол на израелската армија, со што бројот на загинати израелски војници достигна 600, вклучувајќи ги и жртвите во Израел и на палестинските територии.
Министерството за здравство на палестинското движење Хамас редовно известува за бројот на жртвите во Појасот Газа, а во последниот извештај од неделата, од почетокот на војната загинале 32.782 лица, додека 75.298 се повредени.