Израелската војска соопшти дека ќе ги гаѓа лидерите на Хамас и во странство

Израелската војска денеска соопшти дека ќе ги гаѓа лидерите на палестинското милитантно движење Хамас и во странство, откако ја објави смртта на портпаролот на военото крило на исламистичкото движење во Појасот Газа.

– Во Појасот Газа, вчера го погодивме еден од високите лидери на Хамас, Абу Обеида. Тоа не е готово, повеќето лидери на Хамас се во странство, и ние ќе ги погодиме и нив, рече началникот на Генералштабот на израелската војска, Ејал Замир, се наведува во соопштението на војската.

Израелскиот министер за одбрана, Израел Кац, претходно денеска изјави дека портпаролот на вооруженото крило на палестинското движење Хамас е „елиминиран“ во Појасот Газа, во израелски воен напад.

– Терористичкиот портпарол на Хамас, Абу Обеида, е елиминиран во Газа и им се придружи на другите елиминирани од оската на злото на Иран, Либан и Јемен, а сега е во длабочините на пеколот, напиша Кац на X.

Засега нема реакција од Хамас.