Златните копачки на Дејвид Бекам продадени на аукција за над 17.000 фунти
Златните копачки што ги носеше Дејвид Бекам на неговиот 100-ти настап за Англија се продадени на аукција за 17.360 фунти.
Тие беа еден од 1.000 спортски предмети продадени во аукциската куќа на Греам Бад во Велингтонборо, објави Би-Би-Си.
Бекам овие копачки ги носеше на Светското првенство против Франција во 2008 година во Париз.
Аукционерот Адам Гаскојн рече дека цената одразува колку Бекам бил сакан како играч.
На копачките се извезени имињата на трите деца на Бекам кои ги имал во тоа време: Бруклин, Ромео и Круз.
„Овие копачки се направени за една прилика. Да се има нешто што означува важна пресвртница за еден таков легендарен играч на Англија ги прави исклучително посебни“, рече Гаскојн, пренесе Танјуг.
Тој рече дека тие претходно биле изложени на Академијата Дејвид Бекам.