Дали се чувствува манипулиран од ДУИ со оглед на тоа што му беше ветено дека ќе стане премиер, а заврши на функцијата народен правобранител, Насер Зибери рече дека му биле понудени многу функции, како за вицепремиер, министер за правда и многу други, но негова одлука беше да не биде вклучен во извршната власт.
Ова Зибери го изјави синоќа на тв Алсат.
„Затоа мислам дека во дадените околности не можело да се направи нешто повеќе. Се разбира, во таква ситуација беше моја одлука да се вклучам во извршната власт со друга позиција или да останам надвор од извршната власт. За волја на вистината, лидерот на ДУИ ми ги понуди сите опции“ рече Зибери.
На прашање кои опции му беа понудени, Зибери рече:
„Прв заменик-премиер на Владата, министер за правда и други позиции за кои ценев дека не треба да се вклучам во извршната власт со самиот факт што бев претендент за прв човек на Владата“.