Земјотрес со јачина од 4,7 степени според Рихтер го погоди денеска југоисточниот турски округ Кахраманмарас, покажуваат податоците на веб-страницата на Европско-медитеранскиот сеизмолошки центар.
Земјотресот со епицентар во градот Гоксун е регистриран во 9:47 часот по локално време. Неговата длабочина беше 7 километри.
Кахраманмарас беше епицентарот на разорните земјотреси на 6 февруари.
Засега нема информации за повредени лица или материјална штета.
Претходно утрово – во 5 часот и 27 минути, земјотрес со јачина од 3,9 степени е регистриран во соседната област Малатија. Неговиот епицентар бил во градот Баталгази. Длабочината на земјотресот била 11:57 километри, информира АФАД.
Бројот на жртвите од разорните земјотреси во Турција на 6 февруари е веќе близу 48,5 илјади, а повредените над 115 илјади. Афтершоковите траат повеќе од еден месец на повеќе места во земјава.