Земјотрес со јачина од 3,8 степени според Рихтеровата скала во текот на ноќта го погоди грчкиот остров Крит.
Епицентарот на земјотресот, кој се случи околу 01:35 часот, бил на длабочина од 6 километри, на јужната страна на островот, на 65 километри од Ираклион, соопшти Европско-медитеранскиот сеизмолошки центар (EMSC).
Засега нема информации за материјална штета или повредени.