Украинскиот претседател Володимир Зеленски синоќа изјави дека евентуалното распоредување на странски мировници во Украина би можело да се разговара на денешниот состанок на европските лидери во Брисел.
На состанокот на кој ќе се разговара за поддршката за Украина, речиси три години по почетокот на руската инвазија, меѓу другите, според извори, ќе се соберат лидерите на Германија, Франција, Полска и НАТО.
Украинскиот лидер јавно ја изнесе идејата за распоредување странски трупи додека Украина не се приклучи на НАТО за време на состанокот со германски политичар на 9. декември.
Таква можност првпат беше спомната од францускиот претседател Емануел Макрон во февруари, но не е постигнат консензус меѓу европските лидери за тоа прашање.
Одговарајќи на новинарско прашање за можноста да се разговара на таа тема денеска во Брисел, Зеленски рече дека „секој кој е таму – има право да го покрене ова или она прашање“.
„Може да има прашања не само за (странскиот) контингент, туку и прашања што Украина ќе ги постави“, рече тој на заедничката прес-конференција со полскиот премиер Доналд Туск во Лавов.