Украинскиот претседател Володимир Зеленски уште еднаш истакна колку му е важна помошта во вид на борбени авиони.
– Имаме слобода, дајте ни крилја да ја заштитиме – им порача украинскиот претседател Володимир Зеленски на британските претставници.
Серијата посети на украинскиот претседател на западните сојузници јасно илустрира колку е важно за него да набави борбени авиони пред очекуваната офанзива на руските сили, вели Марсел Ван Херпен, директор на холандскиот истражувачки центар.
– Дваесет и четврти февруари е симболичен датум за Кремљ, почеток на минатогодишната неуспешна молскавична војна. Зеленски, пак, не сака Кремљ да ги исправа грешките, а ако се испадне така, му требаат и авиони. Тие можат да бидат одлучувачки фактор за исходот на битките на теренот – објасни Ван Херпен.
Си-Ен-Ен објави дека Обединетото Кралство за прв пат ќе започне со обука на украински пилоти на борбени авиони според НАТО стандардите.
– За правилно да ги поддржи операциите за копнени маневри, потребна е способност да создаде барем локална воздушна супериорност, заштитен меур од воздух околу нападните копнени сили. Зеленски знае дека ќе бидат потребни месеци за украинските пилоти да бидат обучени да управуваат со западни авиони. Кога пилотите ќе се едуцираат, тогаш одлуката да се донираат авиони од западните земји ќе биде многу полесна – смета поранешниот британски разузнавач, Филип Инграм.
Сепак, изгледа дека работите нема да се одвиваат така мазно. Сè уште не се споменува дека Велика Британија всушност ќе и ги испрати на Украина авионите што Зеленски ги побара.
Полскиот претседател Анджеј Дуда во саботата за Би-Би-Си изјави дека испраќањето Ф-16 во Украина ќе биде „многу сериозна одлука“ што „не беше лесно да се донесе“.
Дуда рече дека Полска има само 50 авиони и таквата испорака би можела да ги намали нејзините воздушни сили. Тој рече дека и на F-16 им е потребно значително одржување, така што „не е доволно само да се испратат неколку авиони“.
Неговите коментари уследија откако францускиот претседател Емануел Макрон, исто така, изрази сомневање за испораката на авиони на НАТО во Украина.
Макрон во петокот рече дека дури и ако европските сојузници можат да испратат борбени авиони, тоа нема да се случи „во наредните недели“.