В четврток предупредувачки протест, „крик за достоинствена плата и достоинствен живот“ на повеќе од 20 000 здравствени работници.
На протестот кој ќе се одржи за време на паузата од 10.30-11ч се приклучуваат и возачите на брза помош со едноминутно вклучување на сирените и ротациските светла на возилата, а за да нема застој во работата со пациентите, здравствените работници ќе протестираат на работните места или пак, вработените може да излезат пред здравствената институција каде што работат.
Зголемување на платата за 30% на сите здравствени работници, ревидирање на Колективниот договор, зголемување на инфективниот додаток, се само дел од барањата кои се на листата на чекање за реализација..
Здравствените работници потенцираат дека, протестот в четврток е предупредувачки, во случај да не се реализираат барањата-ќе излезат на улица.
Од синдикатот тврдат дека над 20 000 здравствени работници во државава земаат подпросечна плата, а почетната плата изнесува околу 20 700ден, а на докторите од околу 32 000-35 000 денари.