![](https://triling.mk/wp-content/uploads/2024/05/desna-palco-partija-scaled-1-750x430.jpg)
Партијата „Десна“, чиј член е првоосомничениот за убиствата на Вања Ѓорчевска и Панче Жежовски, Љупчо Палевски, преку својот Фејсбук профил пишува дека Палчо уште од 17-ти јануари побарал да биде екстрадиран во Македонија.
Според нив, „Палчо е бренд и великан на македонската борба“ и поради тоа бараат „да има ВИП безбедносен третман“.
Како што пишуваат, тој треба да е на безбедно, изолиран од ризици по живот.
„Палчо треба да биде на безбедно, изолиран од ризици по живот, убиство, труење со храна, пијалоци, нарушување на здравјето, физичко малтретирање и изнудување на признанија, да има лекар што ќе го следи неговото здравје, биохемиска анализа на секој оброк и пијалок што ќе го конзумира, и радиолошка проверка на облеката и обувките што ќе ги носи. Анализа на крвта и урината еднаш неделно“, стои во објавата на партијата „Десна“.
Во текот на вчерашниот ден, Палевски беше екстрадиран на скопскиот аеродром, по што директно беше спроведен во Истражниот затвор „Скопје“.