Запленет е руски танкер во Грција

Грчките власти поради санкциите воведени од ЕУ и НАТО во близина на островот Евија, заплениле танкер што пловел под руско знаме, објави грчката новинска агенција „АНА-МПА“.

Управата за спречување перење пари во рамките на спроведувањето на санкциите на ЕУ и НАТО издала одлука со која танкерот останува закотвен во близина на пристаниште во Каристос, а заплената се однесува на самиот брод, а не и на нафтата што ја пренесувал.

Грчките медиуми објавија дека танкерот уште од петокот е во близина на грчкиот остров откако се соочил со проблеми со моторот, а со помош на реморкер требало да биде извлечен до Пелопонез, меѓутоа поради лошото време останал закотвен на Евија.

Во танкерот имало 19-член екипаж, морнари од Русија.