Закана за поставена бомба утрово примија некои училишта во Скопје. Во тек е евакуација на учениците, наставниците и вработените во скопската гимназија „Никола Карев“.
Заканата за поставен експлозив во објектот е примена на службениот мејл на училиштето во 8 часот, по што веднаш се алармирани наставниците со децата безбедно да излезат од училишната зграда и е пријавено во полиција.
Закани за поставени бомби училиштата добиваат веќе четири месеци, а по антитерористички проверки се покажа дека дојавите се лажни.
Она што денес е поразлично од вообичаениот образец на заканувачите е времето на дојавата. Имено, досега сите дојави беа на третиот училишен час.