Денеска Европската унија воспостави нов режим на санкции, со кој ќе се воведат рестриктивни мерки за сите одговорни за сериозно кршење на човековите права во Русија, како и за загрозување на демократијата и владеењето на правото.
Како што е објавено на веб-страницата на Советот на ЕУ, одлуката за воспоставување нов режим на санкции „е дел од одговорот на ЕУ на забрзаната и систематска репресија во Русија“.
Се додава дека високиот претставник на ЕУ за надворешна политика и безбедност, Жосеп Борел, предложил ЕУ да воспостави нов режим на санкции како одговор на смртта на опозицискиот лидер Алексеј Навални во сибирски затвор во февруари и сериозното кршење на човековите права во Русија.