ЕУ бара Македонија да воведе визи за Косово и Турција

Европската комисија во  пишува дека

Северна Македонија во изминатата година не презела активности за натамошно усогласување со визната политика на ЕУ. Македонија сѐ уште не вовела визи за земјите за кои е потребна виза за ЕУ – Азербејџан, Боцвана, Куба, Ел Салвадор, Косово и Турција, стои во извештајот  од европската комисија до Европскиот парламент и до Европскиот совет за визниот режим

„Да се обезбеди усогласување на виозната политика на Северна Македонија со листата на ЕУ на земји на кои им е потребна виза за влез во Унијата, особено трети земји кои претставуваат нелегална миграција и безбедносен ризик за ЕУ. Северна Македонија не презеде акција во 2021 година за натамошно усогласување на визната политика на земјата со онаа на ЕУ. Граѓаните од следните земји за кои треба виза за ЕУ се уште имаат слободен влез во Северна Македонија: Азербејџан, Боцвана, Куба, Ел Салвадор, Косово и Турција. Секое натамошно отстапување од листата на ЕУ за неопходни визи треба да се избегнува. Во контекст на механизмот за суспензија на визите и во согласност со Член 8 од Визната регулатива, Комисијата континуирано ќе ги нагледува активностите на Северна Македонија кон визното усогласување со ЕУ“, стои во извештајот.