Претседателот на Турција – Реџеп Таип Ердоган рече дека е решен да разговара со украинскиот и рускиот лидер и да ги седне на иста маса за да се стави крај на крвопролевањето.
Ердоган при посетата на Узбекистан се осврна на руско-украинската војна, и ставот на Турција и напорите за посредување за постигнување траен мир, како и за односите со Израел во областа на енергетиката.
Истакнувајќи дека е одлучен во намерата да разговара со рускиот претседател Владимир Путин и со украинскиот претседател Володимир Зеленски, тој рече дека ќе им каже на своите колеги дека крајната цел на Турција сега е да ги зближи.
„Одлучен сум во намерата да се сретнам со Путин и Зеленски. И на двајцата ќе им кажеме дека нашата цел сега е што побрзо да ги собереме на едно место. Се надевам дека ќе одредиме датум на состанокот. Подготвени сме да бидеме домаќини на состанокот на ниво на претседатели. Како Турција, ќе бидеме среќни кога ќе ја завршиме оваа работа со довербата и на господин Путин и на господин Зеленски“ – рече Ердоган.