Еквадор прогласи вонредна состојба пред вториот круг од претседателските избори

Властите во Еквадор вчера прогласија вонредна состојба во седум од вкупно 24 провинции, вклучително и во главниот град Кито, само еден ден пред одржувањето на вториот круг од претседателските избори.

Мерките се воведени поради драматично зголеменото насилство поврзано со наркокартелите. Вонредната состојба ќе трае 60 дена и вчера стапи во сила.

Актуелниот претседател Даниел Нобоа се соочува со кандидатот од левицата, Луиса Гонзалес, во услови на растечко насилство

Во указот на претседателот Нобоа се наведува дека мерката е неопходна поради „ескалацијата на насилство, тешки злосторства и интензивни незаконски активности на организирани вооружени групи“.

Вонредната состојба вклучува укинување на некои граѓански слободи, како заштитата од неовластени претреси и слободата на собирање, а во повеќе градови се воведува и полициски час.

Нобоа, кој е на власт од 2023 година, и претходно воведуваше вакви мерки за борба против картелското насилство.