Еден патник вдишал чад, другите навреме биле евакуирани од автобусот што се запали

Автобус на Јавното сообраќајно претпријатие „Скопје“ денеска се запали во општина Сопиште, а од МВР информираа за детали.

„Денеска (25.01.2025) околу 12:30 часот во СВР Скопје било пријавено дека кај кружниот тек во с.Сопиште, скопско, настанал пожар во автобус на ЈСП во движење. Притоа, едно лице вдишило чад и на местото му е укажана помош од екипа на Итна медицинска помош, а други повредени лица нема. На местото излегла екипа од Бригадата за противпожарна заштита Скопје“, информираат МВР.