Дејвид Гир – амбасадорот на Европската Унија во земјава го поздрави продолжувањето на консултациите за, како што ги нарекува, „ревидираните предлози“ претставени од француското претседателство со ЕУ на денешниот состанок на Советот за безбедност кај претседателот Стево Пендаровски.
Во објавата на Твитер, амбасадорот Гир напиша и дека е сосема чисто оти македонскиот јазик во преговарачката рамка е без дополнителни квалификации.
„Се надевам дека целиот процес ќе биде плоден, зацртувајќи го патот за отворање на пристапните преговори на ЕУ со Северна Македонија. Чисто е: одредницата за македонскиот јазик во преговарачката рамка е без дообјаснувања“ – напиша Гир.
Hoping that the entire process will be fruitful, paving the way for opening #EU accession negotiations with 🇲🇰. Its clear: the reference to the Macedonian language in the negotiating framework is without qualification. 2/2
— EU Ambassador David Geer (@AmbassadorEU) July 3, 2022
Објавата на евроамбасадорот може да се толкува како одговор на бројните тврдења дека францускиот предлог не нуди чиста формулација за македонскиот јазик.