Ученик од основно училиште во Загреб составил список за отстрел на неговите пријатели и тие закани ги поткрепил со фотографии на оружје, пренесе „RTL Danas“.
За случајот е известено Министерството за образование, а надзор извршила и просветната инспекција. Загрижените родители повикале полиција во училиштето и била направена полициска пријава.
Родителите сметаат дека директорот на училиштето не реагирал навремено, а за сето ова ќе зборуваат вечерва на седницата на Советот на родители.
„Ја стуткал првата листа, па направила друга“
– Работата да биде уште полоша – го згужва првиот список, па направи нов со името на класната. Родителите се плашат, децата- што ако тоа момче излезе надвор, дојде на училиште? Не добиваме никаков одговор – изјави мајката на еден ученик за RTL Danas.
– Доаѓаме и до стручниот педагошки надзор на училиштето каде што се бараат грешки и се изрекуваат мерки. Сериозно соработуваме со министерството и со просветната инспекција. Би ја нагласила важноста на превенцијата – а превенцијата е акција пред да се оствари ризикот и во таа област често наоѓаме пропусти – изјави Алма Ровис Брандиќ од Агенцијата за наука и образование, виш советник за социјална педагогија и програми за превенција на национално ниво.