Срамното однесување на навредливото навивање на Мирлинд Даку, по ремито на Албанија со Хрватска на Европското првенство, одекна далеку од Германија, сè до Русија и неговиот клуб Рубин, кои ќе го казнат за скандирање против Македонците и Србите.
Напаѓачот, роден во Гњилане, Косово и Метохија, откако освои бод во групата Ц на ЕУРО 2024, зеде мегафон и започна навредлива песна против земјата од која доаѓа и другите поранешни југословенски републики, изразувајќи неприфатлив национализам и расизам. По тој повод имаше реакција од фецерациите и на двете земји.
„Нашиот клуб е свесен за одговорноста за она што се случи. ФК Рубин претставува мултинационален тим и секогаш се придржува до принципите на почит и еднаквост, категорично осудувајќи ја секоја форма на дискриминација и навреди на национална, верска или расна основа. По враќањето во клубот, кон фудбалерот ќе бидат применети дисциплински и финансиски санкции“, изјави Рубин.
Даку е фудбалер на Рубин од јули 2023 година, во септември истата година стана албански репрезентативец, а сега го чека казна од Европската фудбалска централа.