Димитриеска-Кочоска на средба со Копман: Реформската агенда дава конкретни и мерливи резултати
-Министерката на состанокот потенцираше дека во делот на јавните финансии се преземаат активности за зајакнување на отчетноста и транспарентноста, при што реформите се дел од поширока трансформација насочена кон приближување на економијата кон единствениот пазар на Европската Унија, зајакнување на институциите и обезбедување конкретни придобивки за граѓаните и бизнисите, соопштуваат од Министерството за финансии.
Министерката за финансии Гордана Димитриеска-Кочоска во Брисел оствари средба со директорот на Генералниот директорат за соседска политика и проширување на Европската комисија, Герт Јан Копман, на која се разговараше за спроведувањето на реформите и напредокот во рамки на Реформската агенда 2024–2027.
На средбата бил потенциран досегашниот напредок во реализацијата на реформите, како и динамиката на идните активности. Министерката истакнала дека Министерството за финансии ги вложува сите свои капацитети во исполнувањето на обврските, при што е постигнат значителен напредок, и нагласи дека Владата останува целосно посветена на реформскиот процес.
-Министерката на состанокот потенцираше дека во делот на јавните финансии се преземаат активности за зајакнување на отчетноста и транспарентноста, при што реформите се дел од поширока трансформација насочена кон приближување на економијата кон единствениот пазар на Европската Унија, зајакнување на институциите и обезбедување конкретни придобивки за граѓаните и бизнисите, соопштуваат од Министерството за финансии.
На состанокот било нагласено дека земјата останува целосно усогласена со Европската Унија на политички, економски и стратешки план.