Поранешниот директорт на ТИРЗ Јован Деспотовски попладнево демантира дека е приведен, откако дел од медиумите објавија дека тој е упасен во врска со случај со наводна проневера на два милиони евра во ТИРЗ Струмица и ТИРЗ Штип.
– Во врска со информациите кои се појавија во јавноста за наводно приведување сакам да ја информирам јавноста дека сите наводи за такво дејствие се неточни. Објавената информација од дел од медиумите ја сметам за намерно или ненамерно дезинформирање на јавноста. Во моментов, ги преземам сите потребни правни чекори за заштита на мојата чест и углед, наведува Деспотовски во демантот.
Посочува дека неговата „достапност и за институциите и за медиумите досега е потврдена во пракса“ и дека така ќе остане и во иднина.
-Навистина очекувам медиумите да ја проверат точноста на информациите пред нивно објавување, со цел да избегнат понатамошно ширење на дезинформации, се посочува во демантот.