Двајца застрелани и еден повреден во престрелка во Атина

Две лица се убиени, и еден ранет во престрелка во близина на Атина. Инцидентот се случил утрово во јужното предградие Глифада.

Според полициски извори, две вооружени лица влегле во продавница и почнале да пукаат. Трите жртви ја напуштиле продавницата, но пукањето продолжило надвор.

На местото биле пронајдени 10 чаури. Приведени се двајца турски државјани, а според медиумите жртвите се Турци со курдско потекло.

Сведоците потврдиле дека имало повеќе од 30 истрели, а крушуми летале насекаде. Местото на несреќата било во непосредна близина на градинки, црква, супермаркет и игралиште.