Ивица Дачиќ – лидерот на Социјалистичката партија на Србија (СПС) вели дека партијата силно го поддржува ставот на Советот за национална безбедност (СНБ) и го осудува нарушувањето на територијалниот интегритет на Украина, но не е за воведување санкции кон Русија.
– Таа политика јавно ја води и изразува претседателот Александар Вучиќ, а СПС силно ја поддржува, почитувајќи го ставот дека националниот интерес на Србија е најважен и дека нејзината иднина е наш приоритет – вели Дачиќ за „Политика“.
Министерот за економија Раде Баста вчера ги повика другите членови на српската влада да го кажат своето мислење за санкциите, оценувајќи дека Србија веќе плаќа висока цена за невоведувањето санкции кон Русија и дека тоа е неодржливо.