![](https://triling.mk/wp-content/uploads/2022/03/33t5r4ews-750x430.jpeg)
Антонио Гутереш – генералниот секретар на ОН денеска повика на итен прекин на „апсурдната војна“ во Украина, предупредувајќи дека конфликтот „не води никаде“, а украинскиот народ „минува низ вистински пекол“.
„Продолжувањето на војната во Украина е морално неприфатливо, политички неодбранливо и воено бесмислено. Дури и да падне Мариупол, на Украина не може да и се освојува град по град, улица по улица, куќа по куќа. Таа војна не може да се добие. Порано или подоцна, ќе мора да се префрлиме од бојното поле на преговарачка маса“ – изјави Гутереш во Њујорк, додавајќи дека „е време да се прекине таа апсурдна војна“.
Тој истакна дека речиси 10 милиони Украинци ги напуштиле своите домови и предупреди дека последиците од војната се чувствуваат низ светот поради „вртоглавиот пораст на цените на храната, енергијата и вештачките ѓубрива, што се заканува да ескалира во глобална криза со глад“.