Разузнавачките служби на Грузија предупредија на потенцијален заговор на криминални елементи за преземање на владата неколку дена пред претседателските избори во земјата, јави ДПА.
Локалните медиуми објавија предупредување од службите за „организатори на деструктивни и криминални активности“ кои планираат да ги нарушат тековните претседателски избори оваа сабота. Се тврди дека планираат да предизвикаат ескалација на моменталната тензична ситуација со спремни се за жртви. Се известува дека зад координацијата стојат странски разузнавачки служби. Обвиненијата за измами на парламентарните избори на крајот на октомври доведоа до еднонеделни демонстрации, особено во главниот град Тбилиси.
Најавата на премиерот Иракли Кобахидзе од владејачката партија „Грузиски сон“, што победи на парламентарните избори, дека преговорите за влез во ЕУ ќе се одложат до крајот на 2028 година, предизвика бурни протести. Дојде до судири меѓу демонстрантите и полицијата. Во изминатите две недели беа извршени неколку стотици апсења на позадината на наводите за полициско насилство, приведени опозициски лидери.
За првпат претседателот ќе биде избиран од избирачки колегиум, а не директно од граѓаните.
„Грузиски сон“ има парламентарно мнозинство и за свој кандидат го предложи поранешниот фудбалер Михаил Кавелашвили.
Претседателката Саломе Зурабишвили, која го поддржува пристапувањето на Грузија во ЕУ, рече дека нема да се повлече поради споровите околу парламентарните избори.