Пушката топ нека им стане, но оваа работа не застапува, порача првиот вицепремиер и координатор за изградба на коридорите 8 и 10-д, Артан Груби на социјалните мрежи.
„Како што и реков: пушката топ нека им стане, но оваа работа НЕ ЗАСТАНУВА! Собранието ги изгласа сите закони за побрза и поевтина изградба на Коридорот 8 и 10-Д! Им благодарам на пратениците и граѓаните за големата поддршка на најголемиот проект во историјата на државата!“, напиша Груби.
Пораката од првиот вицепремиер дојде откако Собранието на денеска ги донесе измените и дополнувањата на петте закони поврзани со реализација на Договорот со „Бехтел и Енка“ за изградба на четири автопатски делници на коридорите 8 и 10-д.
Законските измени првично влегоа во собраниска процедура по скратена постапка, но поради „опасноста“ од блокада со амандмани, власта ги повлече па ги поднесе уште еднаш, но со европско знаменце за што реагираше и Делегацијата на ЕУ во земјава дека употребата на овој инструмент не е во согласност со стандардите на Унијата.