Првиот вицепремиер и министер за политички систем и односи меѓу заедниците, Артан Груби оствари средба со шефот на мисијата на Европската унија во земјава, амбасадорот Дејвид Гир.
На оваа средба се разговараше за процесот на интеграција на земјата во ЕУ по отворањето на преговорите за членство, како и за итната потреба од иницирање уставни измени и нивно успешно завршување, како единствен начин за одржување на втората меѓувладина конференција и отворање на поглавја преговарач.
Груби го информирал амбасадорот Гир дека коалициските партнери веќе ги започнале подготовките за уставни измени и се решени да создадат Алијанса за Европа со сите прогресивни сили во земјата.
Груби рече и дека сите државни институции даваат се од себе за успешно да заврши скрининг-процесот, кој започна во септември минатата година, додека му се заблагодари на амбасадорот Гир за континуираната поддршка во текот на овој значаен процес за државата.
Понатаму, на средбата беа разменети мислења и за предизвиците со кои ќе се соочи земјата во процесот на интеграција во ЕУ, особено реформите и владеењето на правото, борбата против корупцијата и организираниот криминал, како и за очекувањата, но и за конкретните придобивки. ќе имаат граѓани по полноправно членство во Европската Унија.