Околу 100 пожарникари го гаснат пожарот во прекрасната зграда Сомерсет Хаус во центарот на Лондон.
Лондонската противпожарна бригада го добила првиот повик за пожарот во саботата пред пладне, пишува Гардијан.
Ангажирани се 15 противпожарни возила, додека околу 100 пожарникари се на терен од Сохо, Даугејт, Ислингтон и околните противпожарни станици.
Причината за пожарот не е позната.
Slightly disturbed by the amount of smoke currently pouring out of the roof of Somerset House… pic.twitter.com/GqeJflO9pg
— Michelle Birkby/Emma Butler (@michelleeb) August 17, 2024
„Екипи се борат со пламените јазици кои се во дел од покривот на зградата. Две 32-метарски скали на бригадата беа испратени на местото на настанот за да ги поддржат операциите за гаснење пожари“, рече портпаролот на бригадата.
„Целата локација во Сомерсет Хаус сега е затворена за јавноста додека се справуваме со пожарот. Сообраќајот во околината ќе биде отежнат“, додаде портпаролот.