Голем пожар во Хрватска, 40 пожарникари се на терен

Вкупно 40 пожарникари со 12 противпожарни возила гаснат активен голем шумски пожар во месноста Рајиќ, кај Новска (Хрватска), јавија денеска хрватските медиуми.

Распореден е и хеликоптер со MTV Mi8 апарат за гаснење, известија од Хрватската противпожарна бригада, пренесува „Index.hr“. Во гаснењето учествуваат и припадници на Шумската служба.

„Пожарот зафати дабова шума на површина од 15,7 хектари. Противпожарната интервенција е во тек, а се работи за млада шума и непристапен терен со многу карпи, па во гаснењето на пожарот се вклучи и воздухопловството. Пожарот го имаме под контрола и работиме на негово локализирање“ – изјавил главниот командант на пожарникарите Славко Туцаковиќ.